Kaulopaniṣat (कौलोपनिषत्‌।) – the Kaula Upaniṣad

Khajuraho couple

Khajuraho couple Photo Mike Magee

[Transcribed 1997 by Mike Magee. See also this PDF for an attempted translation.]
॥ श्रीः॥
कौलोपनिषत्‌।

शन्नः कौलिकः शन्नो वारुणी शन्नः शुद्धिः शन्नोऽग्निश्शन्नः

सर्वं समभवत्‌।

नमो ब्रह्मणे नमः पृथिव्यै नमोऽद्भ्यो नमोऽग्नये नमो वायवे नमो गुरुभ्यः।

त्वमेव प्रत्यक्शं सैवासि।

त्वामेव प्रत्यक्शं तां वदिष्यामि।

ऋतं वदिष्यामि।

सत्यं वदिष्यामि।

तन्मामवतु।

तद्वक्तारमवतु।

अवतु माम्‌।

अवतु वक्तारम्‌।

ॐ शान्तिः शान्तिः शान्तिः।

अथातो धर्म्मजिज्ञासा।

ज्ञानं बुद्धिश्च।

ज्ञानं मोक्शैककारणम्‌।

मोक्शस्सर्वात्मतासिद्धिः।

पञ्च विषयाः प्रपञ्चः।

तेषां ज्ञानस्वरूपाः।

|| śrīḥ ||

kaulopaniṣat |

śannaḥ kaulikaḥ śanno vāruṇī śannaḥ śuddhiḥ śanno’agniśśannaḥ

sarvaṁ samabhavat |

namo brahmaṇe namaḥ pṛthivyai namo’dbhyo namo’gnaye namo vāyave namo gurubhyaḥ |

tvameva pratyakśaṁ saivāsi |

tvāmeva pratyakśaṁ tāṁ vadiṣyāmi |

ṛtaṁ vadiṣyāmi |

satyaṁ vadiṣyāmi |

tanmāmavatu |

tadvaktāramavatu |

avatu mām |

avatu vaktāram |

om śāntiḥ śāntiḥ śāntiḥ |

athāto dharmmajijñāsā |

jñānaṁ buddhiśca |

jñānaṁ mokśaikakāraṇam |

mokśassarvātmatāsiddhiḥ |

pañca viṣayāḥ prapañcaḥ |

teṣāṁ jñānasvarūpāḥ |

योगो मोक्शः।

अधर्म्मकारणाज्ञानमेव ज्ञानम्‌।

प्रपञ्च ईश्वरः।

अनित्यं नित्यम्‌।

अज्ञानं ज्ञानम्‌।

अधर्म्म एव धर्म्मः।

एष मोक्शः।

पञ्च बन्धा ज्ञानस्वरूपाः।

पिण्डाज्जननम्‌।

तत्रैव मोक्शः।

एतज्‌ज्ञानम्‌।

सर्वेन्द्रियाणां नयनं प्रधानम्‌।

धर्म्मविरुद्धाः कार्य्याः।

धर्म्मविहिता न कार्य्याः।

सर्वं शाम्भवीरूपम्‌।

आम्नाया न विद्यन्ते।

गुरुरेकः।

सर्वैक्यताबुद्धिमन्ते।

आमन्त्रसिद्धेः।

मदादिस्त्याज्यः।

yogo mokśaḥ |

adharmmakāraṇājñānameva jñānam |

prapañca īśvaraḥ |

anityaṁ nityam |

ajñānaṁ jñānam |

adharmma eva dharmmaḥ |

eṣa mokśaḥ |

pañca bandhā jñānasvarūpāḥ |

piṇḍājjananam |

tatraiva mokśaḥ |

etajjñānam |

sarvendriyāṇāṁ nayanaṁ pradhānam |

dharmmaviruddhāḥ kāryyāḥ |

dharmmavihitā na kāryyāḥ |

sarvaṁ śāmbhavīrūpam |

āmnāyā na vidyante |

gururekaḥ |

sarvaikyatābuddhimante |

āmantrasiddheḥ |

madādistyājyaḥ |

प्राकट्यं न कुर्य्यात्‌।

न कुर्य्यात्पशुसम्भाषणम्‌।

अन्यायो न्यायः।

न गणयेत्कमपि।

आत्मरहस्यं न वदेत्‌।

शिष्याय वदेत्‌।

अन्तः शाक्तः।

बहिः शैवः।

लोके वैष्णवः।

अयमेवाचारः।

आत्मज्ञानान्मोक्शः।

लोकान्न निन्द्यात्‌।

इत्यध्यात्मम्‌।

व्रतं न चरेत्‌।

न तिष्ठेन्नियमेन।

नियमान्न मोक्शः।

कौलप्रतिष्ठां न कुर्य्यात्‌।

सर्वसमो भवेत्‌।

स मुक्तो भवति।

पठेदेतानि सूत्राणि प्रातरुत्थाय देशिकः।

prākaṭyaṁ na kuryyāt |

na kuryyātpaśusambhāṣaṇam |

anyāyo nyāyaḥ |

na gaṇayetkamapi |

ātmarahasyaṁ na vadet |

śiṣyāya vadet |

antaḥ śāktaḥ |

bahiḥ śaivaḥ |

loke vaiṣṇavaḥ |

ayamevācāraḥ |

ātmajñānānmokśaḥ |

lokānna nindyāt |

ityadhyātmam |

vrataṁ na caret |

na tiṣṭhenniyamena |

niyamānna mokśaḥ |

kaulapratiṣṭhāṁ na kuryyāt |

sarvasamo bhavet |

sa mukto bhavati |

paṭhedetāni sūtrāṇi prātarutthāya deśikaḥ |

आज्ञासिद्धिर्भवेत्तस्य इत्याज्ञा पारमेश्वरी।

यश्चाचारविहीनोऽपि यो वा पूजां न कुर्वते।

यदि ज्येष्ठं न मन्येत नन्दते नन्दने वने।

शन्नः कौलिकः।

ॐ शान्तिः शान्तिः शान्तिः।

॥ कौलोपनिषत्समाप्ता॥

ājñāsiddhirbhavettasya ityājñā pārameśvarī |

yaścācāravihīno’pi yo vā pūjāṁ na kurvate |

yadi jyeṣṭhaṁ na manyeta nandate nandane vane |

śannaḥ kaulikaḥ |

om śāntiḥ śāntiḥ śāntiḥ |

|| kaulopaniṣatsamāptā ||

Leave a Reply

This site uses Akismet to reduce spam. Learn how your comment data is processed.